Բարև ընթերցող ջան, չգիտեմ թե որքանով է հավաստի լուրը, բայց «Ժամանակ» թերթը գրում է, որ Ռուբեն Գևորգյանի (Ծաղիկ Ռուբո) եղբորորդու սպանության գործով ձերբակալված և վերջերս Հայաստան տեղափոխված Անդրանիկ Երեմյանը սկսել է ցուցմունքներ տալ, ընդ որում շատ մանրամասն ցուցմուքներ, որոնցում մատնանշել է Լֆիկին, որպես այդ սպանության պատվիրատու։
Եթե հիշում ես, ընթերցող ջան, սրանից 8 տարի առաջ Երևանի Դավիթաշեն թաղամասը վերածվել էր իսկական մարտի դաշտի Ծաղիկ Ռուբոյի ու Լֆիկի կլանների միջև։ «Մարտական գործողությունների» աշխարհագրությունը միայն Դավիթաշենով չսահմանափակվեց. մի քանի շաբաթ աղմկահարույց սպանություններ ու փոխհրաձգություններ էին տեղի ունենում քաղաքի տարբեր կետերում։ Այս միջադեպերի արդյունքում զոհվեցին մի քանի մարդիկ երկու կողմերից էլ (Ծաղիկ Ռուբոյի եղբորորդին, Լֆիկի քրոջ որդիները, թիկնապահներ)։
