Քոչարյանի վոյաժներն ամենևին էլ հանգստանալու նպատակներ չեն հետևում

Բարև ընթերցող ջան, նկատած կլինես, որ արդեն քանի օր է, ինչ մամուլում ու այլ լրատվական ռեսուրսներում ակտիվորեն շրջանառվում են Քոչարյանի և իր ընտանիքի անդամների եվրոպական տուրնեի մանրամասները։ Ինձ էլ այս հարցը հետաքրքրեց, բայց ոչ թե դրա տուրիստական մասը, ոչ էլ անգամ այն հռետորական հարցը, թե որտեղից մեկին, ով դեռևս 14 տարի առաջ անգամ սեփական բնակարան չուներ Երևանում այդքան միջոցներ, որ շուրջերկրյա վոյաժներ կազմակերպեր իր և իր հարազատների համար։ Ինձ հետաքրքիր են այն մանրամասները, որոնք շատ ցածր են ասվում ու ասես չեն հայտնվում ուշադրության կենտրոնում։

Վարչապետի իմիջն են փորձում փրկել

Ողջույն ընթերցող ջան, էսօր Ձկան Աչքը կխոսա մի հետաքրքիր թեմայի մասին, որը հենց նոր է հայտնվել տեսադաշտում։ Ուրեմն, ոնց հասկանում եմ մեր սիրասուն վարչապետը կամ իրա աշխատակազմը գիտակցել են, որ շատ լուրջ բլթերա արել Տիիգրան Սարգսյանը, երբ Եվրոպաներում նայեզդներ էր անում Ռուսաստանի ու Պուտինի վրա և զուգահեռ խորը խոնարհումներ ու հիացական բացականչություններ էր թույլ տալիս իր սիրելի Եվրոպայի ու ՆԱՏՕ-յի հասցեին։
Ենթադրում եմ, որ կլիզման իրեն երկար սպասել չի տվել ու հիմա մեր խրոխտ վարչապետը չանք չի խնայում իր այդ խիստ անհեռատես քայլի հնարավոր հետևանքները հարթելու համար։ Հատկանշական օրինակ է, որ մինչ այս ոչ կողմնակալ լրատվամիջոցի իմիջի համար պայքարող կայքերից մեկն անգամ «պալիտ» արեց իր ումական լինելու մի ծավալուն հոդված-հանդիմանությամբ հանդես եկավ, որը կռուտիտների կռուտիտ կարելի է որակել։