Բարև ընթերցող ջան, դու ինձ կարո՞ղ ես բացատրել, թե ինչու է մեր չինովնիկությունը էս աստիճան քյաբաբ մտածելակերպի տեր։ Բոլոր պարերը պարել էին սրանք, հիմա էլ նոր թիթիզություն են հորինել՝ արձաններ են կանգնեցնում միմյանց պատվին։ Այս բարձրաշխարհիկ մոդայիկ տենդենցի նախադեպը կարող է լինել Նոր Նորքում, որտեղ ուզում են կանգնեցնել նախկին թաղապետ Դավիթ Պետրոսյանի արձանը (ԱԺ նախկին պատգամավոր Ռաֆիկ Պետրոսյանի որդին)։
Ճիշտ է, քաղաքապետարանում ինչպես միշտ ասում են, որ իրենք տեղյակ չեն, բայց դե եթե հաշվի առնենք, որ մեր քաղաքապետարանը հաճախ էշի ականջում քնած ա, ապա շատ էլ հավանական եմ համարում, որ այս նախաձեռնությունը կիրականանա։ Ընդ որում, նախաձեռնության փաստը հաստատված ա հենց Ռաֆիկ Պետրոսյանի կողմից, ով ասել է, որ դեռ երկու տարի առաջ իր որդու ընկերները պատվիրել են արձանը և դիմել են քաղաքապետարան։
