10 պատճառ, թե ինչու եմ ես սիրում Կարեն Ավագյան

Երկնեց երկիր, երկնեց երկին, երկնեց և Ծովը ծիրանի, ծնվեց մի խարտյաշ մանկիկ՝ հանրապետկանի կրծքանշանիկով։
Ահա այսպես եմ ես պատկերացնում իմ ամենասիրելի քաղաքական գործիչներից մեկի ծնունդը Քրիստոսի ծնունդից 1974, իսկ Նժդեհի ծնունդից (իր դեպքում այս մեկն ավելի էական է) 88 տարի անց, ընթերցող ջան։
Դժվար է այս տիտանին և հայ քաղաքական մտքի Էվերեստին ըստ արժանավույնս նկարագրել բառերով, անգամ վերբալ կերպով բացատրելն է դժվար, թե ինչու եմ ես Կարեն Ավագյանին սիրում, այդ պատճառով, կներկայացնեմ իմ հերոսի արժանիքների պրեզենտացիան՝ ֆոտոշարքի տեսքով։

Այսպիսինն էր նա շա՜տ ատրիներ առաջ...

... Եվ այսպիսին է Վահագն աստծո 21-րդ դարի մարմնավորումն այսօր

Կարեն Ավագյանը մեծ ինտելեկտուալ է, ինչը երևում է միանգամից, երբ նա հայտնվում է նենգ լրագրողների օբյեկտիվում՝ մտորելիս...

Կարեն Ավագյանը բանախոսության տիտան է և Դամոկլեսը պատով է տվել գլուխը՝ սրի հետ հանդերձ, թե կարող է հռետորությամբ հավասարվել մեր դյութազունի հետ...

Կարեն Ավագյանը մեծ (բառի բուն և փոխաբերական իմաստով) մարզիկ է, ԱՏԼԵՏ, не побоюсь я этого слова...

Կարեն Ավագյանը գերում է կանանց սրտերը...

Կարեն Ավագյանի կողքին են ձգտում հայտնվել տարբեր պետական և հոգևորական այրեր...

Կարեն Ավագայնը միշտ գիտի, թե ինչպես անել, որ կադրում լավ դուրս գա...

... դե... համարյա միշտ...

Կարեն Ավագյանը միշտ պատրաստ է կուրծք տալ երիտհանրապետականների համար (բառի բուն և փոխաբերական իմաստով)...

Կարեն Ավագյանը բարի է, բայց նրան հաճախ զայրացնում են, հատկապես լրագրողները, բայց նրանք միանգամից սատվում են Կարեն Ավագյանի խստաշունչ հայացքից միայն...

... Եվ այսքանից հետո չարամիտներն ուզու՞մ են փոխարինել եղևնու պես մշտադալար ու հավերժ երիտասարդ այս հրաշքին, և այլ մարդու նշանակե՞լ ՀՀԿ երիտթևի գլխին։ ԵՐԲԵՔ, ես հայտարարում եմ իմ զորակցությունը Կարեն Ավագյանին...

Կարեն Ավագյան, դու իմ կուռքն ես!

ՀՀԿ-ի հերթական ծաղրածուն

Բարև ընթերցող ջան, էսօր քո հետ կբամբասենք հանրապետականներից, որովհետև այս կուսակցությունը գնալով քաղաքակն ուժից վերածվում է ծաղրածուների արտադրամասի։ Վերջին շրջանում կլունադայի նոր գիտակ է սկսել աչքովս ընկնել՝ ի դեմս Խոսրով Հարությունյանի, ով ին որ բուռն ակտիվություն է ծավալել և օրը հինգ հարցազրույց ու հայտարարություններա անում։
Ընթերցող ջան, խոխմը էնա, որ սրանից մի քանի ամիս առաջ դեռ ինքը կարծես թե հիմնովին գրանցվել էր քաղաքական դիակների ցուցակում, բայց արի ու տես, որ չէ, դեռ չի սպառել իր հաղթական կորովը ծերուկը։ Օրինակ էսօր, ընթերցող ջան, միանգամից երկու հարցազրույց ընկավ աչքովս, որտեղ քաղաքական մտքի տիտանը խոսում էր կառաավարությունից, կառավարության ծրագրից և իհարկե Նեմեցից։

Կարեն Ավագյանի սեքսուալ շապիկը

ՀՀԿ փոխնախագահը փորձեց փրկել Նեմեցին

Բարև ընթերցող ջան, կներես, բայց նոր շաբաթը պետքա սկսեմ նեգատիվ նոտայով, որովհետև զարմանում եմ ՀՀԿ-ի դրսևորած բացարձակ անգրագետ և ապաշնորհ վարքից։ Այս անգրագիտությունը հատկապես ընդգծվեց «Հարսնաքարի» դեպքերին հետևած տարբեր բարձրաստիճան ՀՀԿ-ականների խիստ անհաջող փորձերին՝ միտված պաշտպանելու Նեմեց Ռուբոյի «բարի» համբավը (թե ուրա այնտեղ բարի համբավ, սկի Նեմեցն էլ չգիտի) ու մեղքը սրա-նրա վրա բարդելուն։
Շարմազանովի «հանճարեղ» հայտարարությանը հետևեց ՀՀԿ փոխնախագահ Ռազմիկ Զոհրաբյանի ոչ պակաս հանճարեղ հարցազրույցը և այս թեմայի շուրջ արված նրա մեկնաբանությունները։ Մեջբերեմ մի քանի հատված վեջինիս հարցաազրույցից.