Գեներալների արկածներն ԱԺ-ում շարունակվում են

Մեր փառապանծ գեներալները շարունակում են իրենց տուռնեն հայոց պառլամենտում գեներալներ Մանվելն (Сципион Армавирский) և Սեյրանը (Гай Юлий Сейран) շարունակում են անտարբերություն ցուցաբերել ԱԺ աշխատանքի նկատմամբ. նիստերի ժամանակ լուռ են, իսկ հանձնաժողովների նիստերին ընդհանրապես չեն մասնակցում, պարզապես իրենց օգնականներին են ուղարկում։

Գեներալ Մանվելը ԱԺ-ն վետերոկ է դարձրել

Բարև ընթերցող ջան, հերթական նորություններն են հայտնի դարձել մեր կռազի շոֆեռ-զորավարի ԱԺ-ական հերոսություններից։ Հաննիբալի և Մակեդոնացու հայկական հիբրիդը հիմա էլ ԱԺ-ն վերածել է գեղական վետերոկի. Սպեկտորովիչը իր որդյակի վերընտրվելու կապակցությամբ մաղարիչ է կազմակերպել իր VIP աշխատասենյակում։ Ընդ որում, «Զորավարի շաուրմա» օբյեկտից եկող աղմուկն ավելի բարձր է եղել, քն նիստերի դահլիճից եկողը։

Ճոյտը նոր «ինտելեկտուալ հրավառությունը»

Բարև ընթերցող ջան։ Գիտե՞ս, ինձ մոտ այնպիսի տպավորություն է, որ Արմավիրի մարզում ինչ որ բնական կատակլիզմ է եղել, որի արդյունքում այդ մարզը ստաբիլ կերպով մեզ մատակարարում է Աղի Հանքի պոտենցիալ կլիենտներով, որոնք չգիտես ինչու հայտնվում են քաղաքական դաշում։ Ասենք չեմ զարմանա, եթե պարզվի, որ ինչ որ երկնաքար է ընկել, ընդ որում ընկել է մի քանի հոգու գլխի, ինչից վերջիններիս կտցրել ա։ Այլ տարբերակ դժվար լինի... կամ էլ ատոմակայանի ճառագայթման տակ են մեծացել, բայց դե եկեք խոսենք ըստ էության։
Էլի իմ տեսադաշտում հայտնվել է Ճոյտը՝ իր նոր հիասքանչ հարցազրույցով.

Գեներալ Մանվելը նեղվել է

Բարև ընթերցող ջան, որոշեցի Նեմեցի ու հարսնաքարի թեմային չանդրադառնալ, որովհետև հաստատ չեմ կարա առանց հայհոյանքների գրել, դրա փոխարեն, արի կիսապոզիտիվ մ նորություն պատմեմ, որ էսօր առավոտյան կարդացի թերթում։
Ուրեմն, թնթերցող ջան, հիշու՞մ ես էն ԱԺ նախագահի ընտրությունների պատմությունը, որ թերթիկներից մեկի վրեն գրել էին «Մուկ - ՈՉ», որ հետո էլ լուրեր էր տարածվել, թե Մուկը երկար փնտրտուքից հետո պարզելա, որ գրողը գեներալ Մանվելնա, բայց ռիսկ չի արել բան ասի մեր օրերի Հաննիբալին։

Ինչ տիպի օրինագծեր կարող են առաջարկել օլիգարխները

Նորից բարև ընթեցող ջան, ասի օրվա վերջը դրական նոտայով ավարտեմ ու մի քիչ երևակայեմ, թե ի՞նչ կլինի, եթե մեր սիրասուն օլիգարխ ու գեներալ պատգամավորները հավատարիմ մնան իրենց խոստումներին և օրինագծեր մշակեն ու դեռ մի բան էլ առաջարկեն.

- Ս. Ալեքսանյանին/Ս. Ալեքսանյանի կնոջը պատկանող բոլոր կազմակերպությունները և բիզնեսները պետք է ազատվեն եկամտահարկից, քանի որ դրանք հանդիսանում են կրոնական կազմակերպության մաս, որի գլխին կանգնած է Քրիստոսից հետո երկրորդ մարդը։ Այսուհետ, այս նոր հավատքի նշանը կլինի շաքարի մեջ կիսով չափ թաղված կեղծ «Victoria's secret» բրենդը կրող կրծկալը։

Հեղինակը՝ Ս. Ալեքսանյան

Գեներալ Մանվելը լիմոնադ էր ուզում, իսկ Սեյրանն իր համար պատասխան չի տալիս

Բարև ընթերցող ջան, չես պատկերացնի էսօր ինչքան եմ ծիծաղացել, երբ կարդացի մեր հերոս հռչակված երկու թալանչի շոֆեռ-գեներալների՝ Սերյանի ու Մանվելի հարցազրույցները։ Երևումա տղերքը լավ ռելաքս են արել ընտրություններից հետո ու վերջին երեք ծալքերը, որ դեռ աշխատում էին իրանց գանգատուփերում տեղակայված օրգանում, այլևս էլ չեն աշխատում։
Բոցերի հիթ շքերթի մեկնարկը տվեց գեներալ Մանվելը, երբ լրագրողներին հայտարարեց, որ դեռ նոր է եկել խորհրդարան ու դեռ չգիտի, թե ինչ օրենսդրական նախաձեռնությամբ է հանդես գալու։ Այդքանով նրա մտավոր-վերլուծական կարողությունների ռեսուրսը սպառվեց ու ճեպազրույցի ողջ ընթացքում նա միայն պարբերաբար կանչում էր Սեյրանին լիմոնադ խմելու, մեկ էլ ձեռքի հետ մուննաթ էր գալիս այն մարդկանց վրա, ովքեր ճանապարհ էին խնդրում, որպեսզի անցնեին։ Ասում են, թե Մանվելը անգամ վրդովվել էր, բա թե «մի հատ էլ չշարվե՞նք»։