ԱԳՆ-ն էլի լռում է...

Բարև ընթերցող ջան։ Ես արդեն մի քանի ժամա սպասում եմ ԱԳՆ-ի արձագանքին՝ կապված էսօր տեղի ունեցած Ադրբեջանական հարձակման հետ, որին զոհ են գնացել երեք հայ զինծառայող։
Հաշվի առնելով Նալբանդյանի կանտոռայի անտաղանդ ու ապաշնորհ կեցվածքը, որը մենք տեսնում ենք արդեն մի քանի ամիս, ես լուրջ մտավախություն ունեմ, որ տղերքի ուշքն ու միտքը հիմա Քլինթոնին դիմավորելն ու սապոնվելնա։

Գեներալ Մանվելը լիմոնադ էր ուզում, իսկ Սեյրանն իր համար պատասխան չի տալիս

Բարև ընթերցող ջան, չես պատկերացնի էսօր ինչքան եմ ծիծաղացել, երբ կարդացի մեր հերոս հռչակված երկու թալանչի շոֆեռ-գեներալների՝ Սերյանի ու Մանվելի հարցազրույցները։ Երևումա տղերքը լավ ռելաքս են արել ընտրություններից հետո ու վերջին երեք ծալքերը, որ դեռ աշխատում էին իրանց գանգատուփերում տեղակայված օրգանում, այլևս էլ չեն աշխատում։
Բոցերի հիթ շքերթի մեկնարկը տվեց գեներալ Մանվելը, երբ լրագրողներին հայտարարեց, որ դեռ նոր է եկել խորհրդարան ու դեռ չգիտի, թե ինչ օրենսդրական նախաձեռնությամբ է հանդես գալու։ Այդքանով նրա մտավոր-վերլուծական կարողությունների ռեսուրսը սպառվեց ու ճեպազրույցի ողջ ընթացքում նա միայն պարբերաբար կանչում էր Սեյրանին լիմոնադ խմելու, մեկ էլ ձեռքի հետ մուննաթ էր գալիս այն մարդկանց վրա, ովքեր ճանապարհ էին խնդրում, որպեսզի անցնեին։ Ասում են, թե Մանվելը անգամ վրդովվել էր, բա թե «մի հատ էլ չշարվե՞նք»։

Նալբանդյանը սապոնվելու տեղը պետք է մատ թափ տար

Բարև ընթերցող ջան։ Էսօր առավոտ զարթնեցի վատ տրամադրությունով, որովհետև զզվում եմ սենց եղանակից, եկա գործի, մտա համացանց ու... այ մարդ, ի՞նչ երկարացնեմ, միանգամից անցնեմ ասելիքիս... ու հասկացա, որ մեր ԱԳՆ-ի վերջին շրջանի «փայլուն» գործողությունները պայմանավորված են այդ թվում նաև Նալբանդյանի «փառահեղ» ինտելեկտով։
Հիմա մեջբերեմ, թե մեր գլխավոր դիվանագետը ինչ մարգարիտներա արտաբերել Չիկագոյում՝ ՆԱՏՕ-ի գագթնաժողովում իր ունեցած ելույթի ժամանակ.