Showing posts with label քարոզարշավ. Show all posts
Showing posts with label քարոզարշավ. Show all posts

Saturday, May 19, 2012

Լֆիկը դարձելա Ոսկե Ձկնիկ

Բարև ընթերցող ջան, քո համար սենսացիա ունեմ, Լֆիկի բարիությունը էլի բռնելա։ Երեկ, Փակ Շուկայի մոտ ինչ որ մի մին ուզեցելա ձուկ վաճառի, իսկ ոստիկանը փորձելա արգելել դա անել։ Մեր սիրասուն օլիգարխին, որն այդ պահին գտնվելա մոտակայքում (երևի Փակ Շուկան ավիրող իր Սիթիի կառուցմաննա հետևել) ու ջղայնացելա ոստիկանի վրեն հերիք չի, մի բան էլ 10000 դրամա տվել էդ կնոջը (չբաժանած ընտրակաշառքներիցա մնացել մոտը երևի), գնելա եղած ողջ ձուկը ու իրա շիսծյոռկեքինա տվել, որ տանեն ու տարածքի բնակիչներին բաժանեն։

Thursday, May 3, 2012

Գեղցին մնումա գեղցի

Ընթերցող ջան, բարի լույս։ Բա չիմացար, տարագիկոմիկ այս ներկայացման մեջ մի նոր հերոս եմ բացահայտել ինձ համար, որի մասին ուղղակի լսել էի թեթև։ Հերոսը որնա՞, գեՌօյա մաքուր, գեՌօօօօյ։ Դե իհարկե խոսքը Գեներալ Սեյրանի մասինա։
Դեռ պապս էր ասում, որ գեղացուն ինչքան էլ էփես, մեկա ականջները հում կմնա։ Սեյրանի դեպքը նենց ծանրա, որ ինձ թվումա, որ եթե իրան եփեն, մեկա գոտկատեղից վերև հում կմնա։ Համենայն դեպս, դատելով Չորրորդ իշխանության գածից, դու էլ կարող ես գալ էդ եզրակցությանը։ Մեջբերում եմ.

Wednesday, May 2, 2012

Օր չի անցնում առանց Լֆիկի հերթական բլթի

Բարի օր ընթերցող ջան, գիտեմ, հիմա կասես էս Ձկան աչքը զահլես տարավ էդ անտեր լֆիկ-մֆիկներից խոսալով, բայց դե ի՞նչ անեմ, ախր էդ քաղաքական պոռնոաստղը քանի գնումա, էնքան ակտիվանում. թե առաջ մի շաբաթը մեկ էր բլթցնում, հիմա Ատսծո ամեն օրա հերթական բոմբը անում։
Չէ, մի բան հաստատ, էշ-էշ բաներ դուրս տալու մասով լֆիկի երևակայության թռիչքը աննման է։ Գումարի դրան նրա անթաքուց ցինիզմը ու անհուն տգիտությունը, և դու կստանաս... դե վոբշեմ Լֆիկ կստանաս էլի, էլ ուրիշ ինչ կստանաս։
Մի խոսքով, արի անցնենք բուն թեմային։ Ընթերցողիս ասեմ, որ էս մեր սիրասուն Լֆոն կրեատիվը միացրելա էլ դու սուս, հիմա էլ ուղղակի ընտրակաշառք բաժանելով չի բավարարվում, այլ գնումա բանգլադեշի բակերով ու առաջարկումա, որ հետը նարդի խաղան՝ պայմանով, որ եթե ինքը կրվի՝ հաղթողին 3000 դոլլար փող կտա, եթե կրի՝ պետքա էդ բակից 100 ձայն ապահովվի իր օգտին... տեսնում ես չէ՞, սաղ դորդուբեշ էր արել, հիմա էլ ազարտա փորձում ստանալ...

Tuesday, May 1, 2012

Նեմեցի ու Լֆիկի նոր արկածները

Բարի լույս ընթերցող ջան։ Ո՞նց ես, ի՞նչ կա-չկա։ Էս քանի օրա ձեռներս ստեղնաշարին չէին հասնում որ մի երկու բան գրեի, բայց էսօր մի քիչ կշփվենք, որովհետև մեր ակնառու օլիգարխները չեն կարում գոնե երկու օր առանց բլթցնելու տեղները տիտիկ անել։ Դե իսկ այն փաստը, որ լիֆիկա-նեմեցական բլթերը դուետովա լինում, դու էլ արդեն նկատած կլինես։ Կարելիա ասել, որ էս քարոզարշավի բարի ավանդույթներիցա դարձել։

Thursday, April 26, 2012

Գործարարները/օլիգարխները ՉՊԵՏՔ է լինեն իշխանությունում

Բարև ընթերցող ջան, դու արդեն հասկացար, որ այսօր էլ խոսելու ենք մեր սուրբ օլիգարխներից, որովհետև դրանցից ևս մեկը փայլուն միտք է արտահայտել։ Ուրեմն, ընթերցող ջան, մի հատ կիսածպտված օլիգարխ ունենք, անունը՝ Գարեգին Նուշիկյան, ով էդքան էլ չի երևում ադիոզ օլիգարխների հերոսությունների ֆոնին, բայց պակաս շուստրին էլ չի։
Հանրային խորհրդում ուսանողների հետ կազմակերպված հանդիպման ժամանակ նուշիկյանը մի հետաքրքիր միտքա արտաբերել.

Wednesday, April 25, 2012

Լֆիկը քաղաքակիրթ է դարձե՞լ

Վա՜յ ընթերցող ջան, վա՜յ։ Չես պատկերացնի, թե էսօր ինչքան եմ ծիծաղացել, բայց դարդ մի անի, հեսա դու էլ բոլ-բոլ կուրախանաս Ձկան Աչքի հետ։ Դու գիտե՞ս, որ Լֆիկը ահագին դաստիարակվելա ու լրիվ բարի քեռիա դարձել։ Պատկերացնում ես, էս մեր կաչկեքի տիրակալը ԴԱՏԻԱ ՈՒԶՈՒՄ ՏԱԼ «Ժողովուրդ» օրաթերթին, որովհհետև գրել էին, իբր Լֆոն ընտրակաշառքա բաժանել (բա գետինը չե՞ն մտնում, բա Լֆոն տենց բան կանե՞ր)... Ասում եմ ցվիլ տղայա դարձել էլի, սրանից մի քանի տարի առաջ ի՞նչ դատ, ի՞նչ բան, միանգամից սև ջպերով հաստավիզները կգային ու թերիթի ողջ անձնակազմին ու նույնիսկ ակվարիումի մեջի ջկներին կսատկացնեին ու կգնային։
Չէ, աչքիս ես էլ գնամ քիթս օպերացիա անեմ, իրոք որ առաջխաղացումն ակնհայտամ, մենակ Լֆիկի հեռախոսազանգի սղագրությունը լսես, ընթերցող ջան, էլ իրան Լֆիկ ասելդ էլ չի գա, որովհետև ինքը նենցա զարգացել, որ առնվազն Կորսետ կամ Բյուստգալտեր կարա կոչվի էլի, իսկ իրա քաղաքական կոմբենացիաների համր՝ Կամբենացիա։ Ինքդ դատի.
Մինչեւ էդ էլ Նիկոլ Փաշինյանը մեզ մեղադրում էր, որ իրան նույն կանայք, որ մեր կողմնակիցն են, հետապնդում են: Ես ասեմ` մարդիկ, որ երկար ժամանակ փախած են լինում, սկսում են տառապել հետապնդման մանիայով: Չեմ զարմանա, որ մի քանի օր հետո մեր լավ ախպերը ասի, թե «Համլետի» հոր ուրվականը իրա հետեւից ա ընկել: Նիկոլի ու իրա մարդկանց սարքած շանտաժները 30 վայրկյան են:
Ես ցնցված եմ, հիացած, ապշած... Լֆիկը փաստորեն համ հոգեբանություն գիտի, համ Շեքսպիրա կարդացել։ Չէ, սա այն դեպքնա, երբ խոսքերն ավելորդ են։ Մի երկու հատ էլ սենց բոմբ անի, կարողա ցնդեմ՝ գնամ Լֆիկին ընտրեմ։ՃՃՃ


Monday, April 23, 2012

Լֆիկից քյասիբ մեկ էլ Սամվել Բալասանյաննա

Բարև-բարև ընթերցող ջան, երկու օր է գլուխս խառն էր, չէի կարողնում շփվել հետդ։ Էսօր էլ հազիվ գլուխս թեևացավ, ասի մի քիչ լուրեր կարդամ, տեսնեմ էլ ինչ ֆոկուսներ են արել մեր քաղաքական ցիրկում ու միանգամից ԲԻՆԳՈՈՈՈՈՈՈՈՈ...
Ընթերցող ջան, քո մոտ էլ նույն տպավորությունն է, որ մեր օլիգարխները մեկը մյուսից քյաասիբ ու չքավոր ե՞ն։ Հազիվ էր Լֆիկի հումորները մոռացվել, հիմա էլ ԲՀԿ-ի գերագույն գլխավորի զամը՝ Սամվել (ինչպիսի զուգադիպություն) Բալասանյանն է, ոնց կասեր հորեղբայրս, իրեն շլանգի տեղ դրել։
Մեջբերեմ մի քանի դրվագ Բալասանյանի հարցազրույցից։

Tuesday, April 17, 2012

ՆեմեցԿի գամբիտը կամ Ռուբեն Հայրապետյանը իրական կալիբրը

Բարև-բարև ընթերցող ջան, քեզ որ ասում էի, որ մեզ ահագին ուրախանալու առիթեր կընձեռեն մեր քաղաքական դաշտի ծաղրածուները, հո իզուր չէ՞ի ասում։ Օրինակ երեկ ես մի լա՜վ ծիծաղեցի Նեմեց Ռուբոյի հարցազրույցի ժամանակ, վստահ եմ դու էլ։ Արի իրար հետ հիշենք, թե ինչ էր ասում մեր անբռնազբոս օլիգարխոզը ու ինչ կարել էր հասկանալ պատահան բառերի այն տարափից, որ նա արտաբերում էր ArmNews-ում, որի եթերում երեկ հիրավի Օսկարի նոմինացման արժանի կատակերգություն էր ծավալվել։

Monday, April 16, 2012

Օրինած Երկրի հորինած մեթոդները

Ձկան Աչքը նորից ողջունում է քեզ ընթերցող ջան։ Այսօր էլ քո հետ կզրուցենք Օրինաց Երկրի, իսկ ավելի կոնկրետ՝ ՕԵԿ-ի կիրառած մեխանիզմների մասին, որոնց միջոցով նա հույս ունի հաղթահարել 5 տոկոսի շեմը։ Սկսենք տրվիալից.
1. Ամենաանկապ քայլը, որին դիմել են ՕԵԿականները, դա արդեն քաջ հայտնի դդմի ջեմերի ու Արթուր Բաղդասարյանին պատկանող «Հայասի» պահածոների գործարանի այլ արտադրանքն է։ Ասում են, իբր բոլ չի ափսոսում են մարդկանց փող տան ու դա փոխարինում են ջեմ-մուրաբաներով, դեռ մի բան էլ տված ջեմերն ու մուրաբաները կամ ժամկետանց են, կամ էլ շատ մոտ են պահպանման ժամկետի սպառմանը։ Բացի պահածոներից, ՕԵԿ-ը բազմիցս բռնվե է էժանագին օծանելիք ու գլխաշորեր բաժանելու վրա։

Saturday, April 14, 2012

Ճոյտի անկեղծությունները

Բարև ընթերցող ջան: Գիտեմ, որ կարող է արդեն քո նյարդերը ևս տեղի են տալիս էս նախընտրական կատակերգության պատճառով, բայց այսօր էլ Ձկան Աչքը քեզ կպատմի մի հետաքրքիր քաղաքական ծաղրածուի՝ Հակոբ Հակոբյանի մասին, որը լայն մասսաներին ավելի հայտնի է Ճոյտ մականունով:
Ուրեմն ընթերցող ջան, էս Արմավիրի մարզը առհասարակ հայտնի է իր խիստ կոլորիտային քաղաքական ծաղրածուներով, որոնք մեկը մյուսից ավելի հանճարեղ են իրենց լկտիության ու ցինիզմի մեջ, նույնիսկ կարող են մրցել մեր քյասիբ օլիգախի ամուսին Լֆիկ Սամոյի ու նրա գլխավոր երկրպագու Նեմեց Ռուբոյի հետ:

Thursday, April 12, 2012

Ծառուկյանը կրակն է ընկել Օսկանյանի ձեռքը

Բարի լույս ընթերցող ջան, ոնց ե՞ս։ Ես որ օրս սկսեցի մի լավ ծիծաղելուց։ Դե դու ինքդ գիտես ինչ հումորային բանա մեր էս նախընտրական քարոզարշավը։ Այս անգամ էլ Գագիկ Ծառուկյանը դարձավ իմ օրվա հերոսը։ Չգիտեմ, լսել ես պրն. Ծառուկյանի Հրազդանում արած հայտարարությունները, բայց վստահեցնում եմ՝ դրանք լավ ուշագրավ ենք։
Կոալիցիան ձեւական չի եղել։ Հիմնական կոալիցիան, որ պարոն Օսկանյանը ասել էր, դա՝ ասում է, կոալիցիան ստեղծվում է այն ժամանակահատվածում, որ մեկ ուժը չի կարողանում 50+1 հավաքել, իսկ քանի որ Հանրապետականը հավաքել է 50+1, եւ նա, ասենք թե, հրավիրել է 2-3 կուսակցությունների՝ միասնական աշխատելու, դրա համար է ինքը ասել», - նշեց Գագիկ Ծառուկյանը՝ հավելելով․ «Թե չէ՝ այսօր լրագրողները տարբեր ձեւի են մեկնաբանում։ Կարո՞ղ է Ծառուկյանը ձեւական մարդ է, ձեւական կոալիցիա լիներ․․․»։

Monday, April 9, 2012

Մինչև մայիսի 6-ը կուսակցությունների ասածները «ասնավանի» չի

Բարև ընթերցող ջան, բոգս բացած-չբացած, միանգամից քաղաքականությունից եմ ոսում, նենց որ ավել պակաս կներեք, բայց դե պոեզիայով ու մելամաղձոտ-լացակումած թեմաներով մի քիչ դժվար կլինի արդարացնել ու լեգիտմիացնել իմ՝ Ձկան Աչք բազմանշանակ կոչումը Քո աչքերում։ Այնպես որ, ավել պակաս կներես, ուղղակի խոսք եմ տալիս, որ ամեն ինչ կանեմ, որ գրառումներիս վրա վատնածդ րոպեները չգնահատվեն որպես ժամանակի կորուստ։ Դե ինչ, անցնենք գործի։
Երևի Քեզ համար նորությունյուն չի, որ մեր բազմաչարչար երկրում հերթական անգամ սկսվելա հերթական տրագիկոմեդիկ ներկայացումը, որը կոչվում է «Նախընտրական քարոզարշավ»։ Կարծում եմ կհամաձայնվես ինձ հետ, որ դատելով արդեն իսկ ավանդական դարձած կոնտենտից, մենք այս լուրջ բնորոշումը կարող ենք փոխարինել օրինակ այլ տխմար տրագիկոմիկ ներկայացման անվանմամբ, օրինակ՝ «Դժվար ապրուստ»։